In order to view this object you need Flash Player 9+ support!

Get Adobe Flash player

Powered by RS Web Solutions

Түгээмэл асуултууд

Ажилгүйдлийн тэтгэмжийг хаана хандаж, ямар бичиг баримт бүрдүүлж авах вэ? Уг тэтгэмжийг ажилгүй хүн бүр авах уу?

-Ажилгүй хүн бүр авахгүй. Даатгуулагч ажилгүйдлийн даатгалын шимтгэлийг ажилгүй болохоос өмнө 24 сараас доошгүй хугацаанд үүнээс сүүлийн 9 сард нь тасралтгүй төлсөн нөхцөлд ажилгүйдлийн тэтгэмж авах эрх үүснэ. Уг тэтгэмжийг даатгуулагч ажлаас халагдсаны дараа 14 хоногийн дотор оршин суугаа газрынхаа харъяа хөдөлмөр эрхлэлтийн алба, ийм алба байхгүй бол нийгмийн даатгалын хэлтэст хандана. Дараахи баримт бичгийг бүрдүүлнэ. Үүнд:

    * Харъяа дүүргийнхээ нийгмийн халамж үйлчилгээний хэлтэст хандан өргөдлөө өгнө.
    * Харъяа нийгмийн даатгалын газарт очиж нийгмийн даатгалын дэвтрээ баталгаажуулна.
    * Ажил олгогчоосоо ажлаас чөлөөлөгдсөн тухай шийдвэр гаргуулна.

Нийгмийн даатгалын дэвтрээ ажил олгогчийн буруутай үйл ажиллагаанаас болж 3 жил бөглүүлээгүй. Одоо шимтгэлийг нөхөн төлүүлж болох уу?

“Нийгмийн даатгалын тухай” хуульд заасанчлан ажил олгогчоос ажилтны дутуу төлөгдсөн буюу хугацаандаа төлөгдөөгүй шимтгэлийг нөхөн төлүүлж, шимтгэлийн дүнгээс хугацаа хэтрүүлсэн хоног тутамд 0,3 хувийн алданги ногдуулахаар заасан байдаг бөгөөд хэрэв ажилтанг ажилд орсон өдрөөс эхлэн нийгмийн даатгалын дэвтэр нээж баталгаажуулаагүй, уг зөрчлийн улмаас даатгуулагчийн эрх ашгийг хохироосон албан тушаалтныг 10000-5000, байгууллага, аж ахуйн нэгжийг 50000-250000 төгрөгөөр торгох шийтгэл ногдуулахаар тус тус заасан байна. Иймд та хуучин ажиллаж байсан байгууллагадаа хандан нийгмийн даатгалын дэвтрээ баталгаажуулахаар шаардах эрхтэй.

Би үйлдвэрлэлийн осолд ороод хөдөлмөрийн чадвараа бүрэн алдсан юм. Манай байгууллагаас ямар нэг нөхөн олговор өгөх ёстой юу?


Хөдөлмөрийн тухай хуулийн 97.1.1 дэх заалтад зааснаар ажил олгогч нь үйлдвэрлэлийн осол, хурц хордлого, мэргэжлээс шалтгаалсан өвчний улмаас хөдөлмөрийн чадвараа бүрэн алдсан буюу 71 хувиас дээш алдсан ажилтанд 18 сарын цалингийн дундажтай тэнцэх хэмжээний нөхөн төлбөрийг нэг ба түүнээс дээш удаа олгох ёстой.

Манай ах ажлаа хийж байгаад үйлдвэрлэлийн осолд ороод хөдөлмөрийн чадваргүй болсон. Ажлын газраас нь одоо хүртэл ямар нэгэн тэтгэмж тусламж үзүүлсэнгүй. Хуулиараа ямар тэтгэмж авах ёстой вэ?


Танай ах хөдөлмөрийн чадвар алдсаны тэтгэмж авах эрхтэй. Ердийн өвчин ахуйн ослын улмаас хөдөлмөрийн чадвараа түр хугацаагаар алдахаас өмнө 3 ба түүнээс дээш сарын хугацаагаар тэтгэмжийн даатгалын шимтгэл төлж ажилласан даатгуулагч хөдөлмөрийн чадвар алдсаны тэтгэмж авах эрхтэй. Хөдөлмөрийн чадвар алдсаны хэмжээ:

Д/ д    Шимтгэл төлж ажиллсан хугацаа /жилээр/    Тэтгэмж бодох хувь, хэмжээ /хувиар/
1    5 хүртэл жил                                                                                    50
2    5-14 хүртэл жил                                                                               55
3    15, түүнээс дээш жил                                                                      75

Нийгмийн даатгалд заавал даатгуулагч иргэн үндсэн ажил үүргээсээ гадна өөр аж ахуйн нэгж, байгууллагатай хөдөлмөрийн гэрээ болон ажил гүйцэтгэх гэрээгээр ажиллаж авсан нэмэгдэл орлогоосоо нийгмийн даатгалын шимтгэлийг ямар журмаар тооцож төлөх вэ?


Аж ахуйн нэгж, байгууллагад ажиллаж буй заавал даатгуулагч /иргэн/ нь үндсэн байгууллага /ажил олгогч/-аасаа өөр байгууллагатай хөдөлмөрийн гэрээ болон ажил гүйцэтгэх гэрээгээр ажиллаж авсан сарын хөдөлмөрийн хөлс, түүнтэй адилтгах орлогоосоо Нийгмийн даатгалын тухай хуульд заасан хувь, хэмжээ, журмын дагуу нийгмийн даатгалын шимтгэл төлж тооцоо хийнэ.

Өндөр насны тэтгэврийг ямар аргачлалаар бодож тогтоодог вэ?

Тэтгэврийн даатгалын сангаас өндөр насны, тахир дутуугийн, тэжээгчээ алдсаны гэсэн 3 төрлийн тэтгэврийг олгодог. Үүнээс өндөр насны тэтгэврийг даатгуулагчийн сарын дундаж хөдөлмөрийн хөлс, түүнтэй адилтгах орлогын 45 хувиар бодож тогтооно. Хэрэв тэтгэврийн даатгалын шимтгэлийг 20 жилээс илүү төлсөн тохиолдолд илүү төлсөн жил тутамд өндөр насны тэтгэвэр тогтоолгосон сарын дундаж хөдөлмөрийн хөлс, түүнтэй адилтгах орлогын 1,5 хувиар бодож нэмэгдэл олгоно.
Жишээлбэл өндөр насны тэтгэвэр тогтоох аргачлал нь:
Даатгуулагч “Э” эрэгтэй, 60 настай, тэтгэврийн даатгалын шимтгэлийг 32 жил төлсөн, сарын дундаж хөдөлмөрийн хөлс, орлого нь 60 000 төгрөг бол түүний өндөр насны тэтгэвэр дараах аргаар бодогдоно.
1/ 20 жил шимтгэл төлсөн хугацаанд ногдох тэтгэвэр нь 60 000*45%=27 000 төгрөг
2/ 20 жилээс илүү ажилласан 12 жил /32-20/-д ногдох тэтгэвэр нь 60 000*12 жил*1,5%=10 800 төгрөг
3/ Даатгуулагчийн сард авах өндөр насны тэтгэвэр нь 27000+10800=37800 төгрөг болно.
Харин тэтгэврийн даатгалын шимтгэлийг 10-20 жил төлсөн 60 нас хүрсэн эрэгтэй, 55 нас хүрсэн эмэгтэй даатгуулагч шимтгэл төлсөн нийт хугацаандаа ногдох өндөр насны тэтгэврийг хувь тэнцүүлэн тогтоолгон авч болно.

mail login1
IT Agency LLC and Extensions by IT-Agency.mn
  • Шинэ мэдээ

  • Их уншсан

Өргөдөл гомдол, Санал хүсэлт

Түүхэн замнал

Монгол улсад үйлдвэрчний эвлэлийн хөдөлгөөн 1917 оноос үүсч, хөгжсөн ба МҮЭ- ийн холбоо анх 1927 онд Бүх Монголын Үйлдвэрчний Эвлэлийн Төв Зөвлөл нэртэйгээр байгуулагдсан.

дэлгэрэнгүй ...

Facebook

Холбоо барих

Хаяг: 210646 Улаанбаатар хот, Чингэлтэй дүүрэг
1-р хороо, Бага тойруу /15160/,
Их эзэн Чингис хааны нэрэмжит талбай-9
Утас:70112128, Факс: (976)-70112128
И-мэйл:cmtu@ mongol.net

Статистик

21896
ӨнөөдөрӨнөөдөр538
ӨчигдөрӨчигдөр396
Энэ долоо хоногтЭнэ долоо хоногт934
Энэ сардЭнэ сард14674
НийтНийт21896