Монголын нийгэм, эдийн засаг, улирлын нөхцөл байдалд нийцүүлэн тодорхой зорилго бүхий аяныг жил бүр тогтмол зохион байгуулах жишиг бий болгох үүднээс үйл ажиллагаагаа дөрвөн мөчлөгт хуваан явуулахаар тогтлоо. Тухайлбал, намрын улиралд "Намрын довтолгоо" аяныг зарлаж, Хөдөлмөр, нийгмийн зөвшлийн гурав ба хоёр талт хэлэлцээр, хамтын гэрээ, хөдөлмөрийн гэрээ байгуулах, хэрэгжилтэд нь хяналт тавьж ажиллахаар болсон байна.

Өвлийн улиралд "Шуурхай зохицуулалт" буюу хөдөлмөрийн ганцаарчилсан буюу хамтын маргааны талаарх мэдээллийг гишүүд, хөдөлмөрчдөд олгох, маргаан үүсгэх шаардлага гарвал тус холбооны дэргэдэх хуульч өмгөөлөгчдийн багийн хамт олон өмгөөллийн үйлчилгээ үзүүлэх юм.