МҮЭХ-ны санаачлагаар МҮЭХ, Улсын мэргэжлийн хяналтын ерөнхий газар/УМХЕГ/ -тай хамтран ажиллахаар байгуулсан гэрээ манай сонинд нийтлэгдэж байсан. Энэ хүрээнд МҮЭХ-ны 43 ажилтныг хөдөлмөрийн улсын байцаагчид мэргэшүүлэх сургалтад хамруулж улсын байцаагчийн эрх олголоо. Ингэснээр ҮЭ-ийнхэн хөдөлмөрийн улсын байцаагчийн тоог хоёр дахин нэмэгдүүлж байгаа юм. Одоо улс даяар УМХЕГ-ын 130 гаруй улсын байцаагч ажилладаг бөгөөд үүнээс 40 гаруй нь хөдөлмөрийн байцаагч юм байна. Нэг байцаагч нь өөрийн хариуцсан аж ахуй нэгжээр бүгдэд нь үзлэг, шалгалт хийхэд гурван жилийн хугацаа хэрэгтэй гэнэ.